член  Саюза пісьменнікаў Беларусі

Нарадзілася  9 снежня 1955 года ў вёсцы Догі  Шчучынскага раёна Гродзенскай вобласці Першыя літаратурныя спробы яна здяйсняе ў шостым класе – пачынае пісаць вершы У 1973 г. Ганна Браніславаўна заканчвае Каменскую сярэднюю школу Шчучынскага раёна. Ужо ў гэты час яна цверда была ўпэўнена:  "Хачу быць настаўніцай роднай мовы!”Пасля заканчэння інстытута ў 1977 г. свой лёс Ганна Браніславаўна звязала з Глыбоччынай.  Да 1986 года яна працавала настаўніцай беларускай мовы і літаратуры ў Карабоўскай сярэдняй школе, а з 1986 года і па сённяшні дзень выкладае родную мову і літаратуру ў Мярэцкаўскай базавай школе Глыбоцкага раёна

У студзені 2000 г. у выдавецтве "Беларускі кнігазбор" пабачыў свет яе першы зборнік вершаў ”Шляхам любові”. У зборнік увайшло 86 самых лепшых і яскравых твораў Ганны Браніславаўны.

Яшчэ адной значнай падзеяй ў жыцці Ганны Браніславаўны стала ўручэнне білета Саюза пісьменнікаў Беларусі, якое адбылося ў Шаркаўшчыне, на сустрэчы пісьменнікаў з Мінска, Віцебска, Глыбокага.