Іосіф Корсак

Іосіф Корсак (памёр у 1643 годзе) – стараста і ваявода мсціслаўскі, вайсковы дзяяч і мецэнат. У 1610 годзе удзельнічаў у вайне

 з Рускім царствам – адваёўваў Смаленск і хадзіў на Маскву. Валодаў вялікімі маёнткамі навокал Глыбокага, якія перад смерцю прызначыў на рэлігійныя і адукацыйныя мэты.

За сродкі Корсакавай фундацыі былі збудаваныя касцёл Святой Тройцы, кляштар кармелітаў босых і касцёл Унебаўзяцця Дзевы Марыі (цяпер праваслаўны сабор) у Глыбокім, царква і кляштар базыльянаў у Беразвеччы, больш за дзясятак рыма- і грэка-каталіцкіх святыняў у кармеліцкіх і базыльянскіх маёнтках. Пры беразвецкім кляштары дзейнічала шасцікласная школа, у якой вучыліся шляхецкія дзеці з усяго наваколля.

Корсакавы фундацыі пакінулі свой след у Вільні - з даходаў былых ягоных маёнткаў быў аздобленыя касцёл святой Тэрэзы (Вастрабрамскі) і збудаваная галерэя, што вядзе да Вострай Брамы.