БРСМ падрыхтуе спецыяльную маладзёжную праграму

 да Дня беларускага пісьменства ў Быхаве

БРСМ падрыхтуе спецыяльную маладзёжную праграму да Дня беларускага пісьменства ў Быхаве, паведаміў сакратар ЦК ГА «Беларускі рэспубліканскі саюз моладзі» Зміцер Варанюк.

Напярэдадні Дня беларускага пісьменства жніўня 31 пройдзе «ДАНС Батлейка», дзе будуць гучаць беларускія хіты і рэміксы на іх. Таксама сваімі сэтамі удзельнікаў танцавальнай вечарыны парадуе пераможца конкурсу БРСМ «Бітва дыджэяў» DJ Vlasov.

         Насычаную праграму мерапрыемстваў моладзь падрыхтавала гасцям і жыхарам Быхава 1 верасня. На інтэрактыўнай пляцоўцы «Жывая кніга» актывісты БРСМ плануюць устанавіць макет кнігі, на старонках якой кожны жадаючы зможа напісаць сімвалічным пяром свае пажаданні жыхарам Быхава, а таксама сталіцы Дня беларускага пісьменства 2014 года. Імправізаваная творчая майстэрня адкрыецца на пляцоўцы «боды-арт». Праграму свята працягне конкурс «Колер сучаснасцi», удзельнікі якога паспрабуюць адлюстраваць асаблівасці развіцця беларускай пісьменнасці на палотнах вышынёй у чалавечы рост. Завершыцца святочны вечар канцэртам маладых выканаўцаў.

http://bykhov.gov.by