Дзень беларускага пісьменства ў 2018 годзе пройде ў г.Іванава


Меню сайта

Форма ўваходу
 
Карысныя рэсурсы

Міністэрства культуры
Рэспублікі Беларусь

Нацыянальная бібліятэка Беларусі


Турызм у Беларусі


Моладзь Беларусі

Глыбоцкі раённы выканаўчы камітэт

Віртуальны тур па музеях Глыбоччыны

Мой родны край - Глыбоччына
  
                 Часопіс "Вясёлка"

Газета "Пераходны ўзрост"

Cтатыстыка

Анлайн усяго: 1
Гасцей: 1
Карыстальнікаў: 0


Каляндар


Главная » Статьи » Мае артыкулы

Юбілею горада – выдатны падарунак

Юбілею горада – выдатны падарунак     

 

 

 Шмат падарункаў – цікавых праектаў, выдатных працоўных дасягненняў, добрых спраў, перамог у конкурсах і спаборніцтвах, песень і вершаў – прысвяцілі жыхары нашага краю 600-годдзю горада Глыбокае. Па-асабліваму рыхтавалася да гэтай гістарычнай даты вядомы ў раёне чалавек, заслужаная настаўніца Беларусі Лізавета Дзмітрыева.
Апантаны географ, выдатны прафесіянал-педагог і гарачы патрыёт свайго краю да неаднаразовых перамог сваіх вучняў на абласных і рэспубліканскіх алімпіядах і конкурсах даследчых работ дабавіла яшчэ адзін цудоўны падарунак. Лізавета Міхайлаўна падрыхтавала і выдала “Турыстычны атлас Глыбоччыны”. Прыгожы і змястоўны дапаможнік як для школьнікаў, так і для ўсіх, хто хоча больш ведаць пра сваю старонку, а яшчэ гэта — добры здабытак для турыстаў.
—Задуму стварыць такі атлас выношвала даўно, — расказвае Лізавета Міхайлаўна. – У мінулым годзе, падчас падрыхтоўкі вучняў да раённай алімпіяды па геаграфіі яшчэ больш сцвердзілася ў гэтым. Ды што й казаць, ужо 7 гадоў, як у школах раёна вывучаецца факультатыўны курс “Мой край – Глыбоччына”. Створаны электронны варыянт падручніка. І як тут без атласа — выдатнага дапаможніка да яго?
Так ушчыльную, можна сказаць, і занялася падрыхтоўкай атласа да выдання. Вельмі дапамог у гэтай справе прафесійны географ, выпускнік СШ №3, колішні неаднаразовы пераможца абласных і рэспубліканскіх алімпіяд па геаграфіі Аляксандр Кірылаў. Прафесійны географ, ён выдатна валодае праграмай складання карт з выкарыстаннем сучасных камп’ютарных тэхналогій. Здорава дапамаглі метадыст цэнтра інфармацыйных тэхналогій аддзела адукацыі, спорту і турызму райвыканкама Ніна Ляшонак і супрацоўніца раённай бібліятэкі сямейнага чытання Марына Ізаітка. 
Паўгода працы – і атлас атрымаўся што трэба! Складаецца ён з наступных раздзелаў: “Фарміраванне тэрыторыі Глыбоцкага раёна”, “Фізіка-геаграфічнае становішча”, “Прыродаахоўная тэрыторыя”, “Архітэктурна-гістарычныя помнікі Глыбоччыны”, “Шчыльнасць насельніцтва па сельсаветах”, “Інфармацыя пра значныя аб’екты кожнага сельсавета”. Завяршальны раздзел зместу атласа “Глыбоччына запрашае” – карта сучаснага Глыбокага – важкі набытак, асабліва ў Год гасціннасці, для турыстаў.

 

vg-gazeta.by

Категория: Мае артыкулы | Добавил: Vlad2012 (20.09.2014)
Просмотров: 1170 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Маршрут Дня пісьменства

Пошук на сайце

Галасаванне
Што вас прывяло на сайт?
Усяго адказаў: 498
Лаўцэвіч Уладзіслаў © 2024Бесплатный конструктор сайтов - uCoz