Гашэнне паштовай маркі спецыяльным штэмпелем правялі ў Глыбокім 21 ЛІПЕНЯ
Марку з гербам Глыбокага пагасіў спецыяльным паштовым штэмпелем старшыня Глыбоцкага райвыканкама Алег Морхат. Цырымонія адбылася ў дзень адкрыцця «Вішнёвага фестывалю», 21 ліпеня, у Глыбоцкім раённым вузле паштовай сувязі. На ёй прысутнічалі замежныя дэлегаты - госці свята. Дэлегацыю напаткала ля ўваходу начальнік Глыбоцкага РУПС Сафія Хрол. Затым яна запрасіла ўсіх на цырымонію. Сафія Хрол прапанавала Алегу Морхату правесці гашэнне. На марцы з гербам Глыбокага, налепленай на паштоўку з выглядам на ўезд у Глыбокае, быў пастаўлены штэмпель ў выглядзе двух вішань і з надпісам «Вішнёвы фестываль». Па словах начальніка вузла паштовай сувязі, паштоўка будзе перададзена ў музей як сведчанне аб такім значнай падзеі.
| 
