У Глыбокім паставілі помнік вішні

Помнік уяўляе сабой галінку саспелых вішань з лісточкамі. Яна размешчаная на стылізаванай пад дрэва цыліндрычнай тумбе з сілуміна. На помніку зроблены надпіс па-беларуску "Глыбоцкая вішня”.

"Глыбоцкая  вішня”  – свайго  роду  сімвал  сям’і Скульптар Іван Казак (на здымку)  — той самы чалавек, які парадаваў  глыбачан  манументальна-дэкаратыўнай скульптурай "Глыбоцкая вішня”. У якасці госця і аўтара работы ён прысутнічаў падчас адкрыцця кампазіцыі.  Павіншаваўшы глыбачан і гасцей горада з правядзеннем такога незвычайнага свята, як "Вішнёвы фестываль” і пажадаўшы яму жыць доўгія гады, Іван Уладзіміравіч падзяліўся  сваімі ўражаннямі ад работы над скульптурай, творчай ідэяй.

На пытанне: чаму  скульптурная кампазіцыя зроблена ў выглядзе гронкі з трыма вішнямі,  Іван Казак патлумачыў, што гэта ўвасабленне сям’і, дзе ёсць тата, маці і дзіцяці.

-Упэўнены, што гэты куточак горада стане адным з любімых у глыбачан. А вішнёвая гронка будзе дарыць  толькі добры настрой, —  выказаў упэўненасць скульптар.

-Дарэчы, на цэнтральнай плошчы Глыбокага ўжо з'явіліся сцягі краін-удзельніц фестывалю.