Барысаў — горад у Мінскай вобласці, адміністрацыйны цэнтр Барысаўскага раёна. Стаіць на рацэ Бярэзіна.

У XII стагоддзі ў Барысаве быў пабудаваны драўляны замак, які праіснаваў аж да XVIII стагоддзя. Зараз  тут размяшчаецца будынак, які адносіцца да гісторыка-культурнай каштоўнасці Рэспублікі Беларусь, аб чым сведчыць устаноўлены памятны знак на беларускай мове.

Барысаў - адзін з найстарэйшых беларускіх гарадоў, упершыню згаданы ў летапісах у 1102 годзе. Горад вядомы многімі творчымі калектывамі. Фестываль дзіцячай і юнацкай творчасці "Барысаўскi прыстанак" стаў міжнародным. У ім штогод удзельнічаюць прадстаўнікі дзесяці краін свету.

Барысаўчане ганарацца сваімі землякамі - аўтарам тэксту гімна БССР і Рэспублікі Беларусь Міхасём Клімковічам, алімпійскімі чэмпіёнамі Андрэем Арамнавым і Аляксеем Абалмасавым, футбольным клубам БАТЭ.

Барысаўская зямля дала жыццё першаму стваральніку савецкага беларускага "Буквара" Надзеі Сіўко, мастаку Валерыю Шкарубу і скульптару Анатолю Анікейчыку.

7 верасня 2008 г. у Барысаве адзначылі XV Дзень беларускага пісьменства. На свяце быў адкрыты знак-сімвал "Да 15-годдзя святкавання Дня беларускага пісьменства" і мемарыяльная дошка Івану Каладзееву - вядомаму гісторыку, які доўгі час жыў у Барысаве, мецэнату, стваральніку першай бібліятэкі ў горадзе.

Информация на русском языке

Information in English

Information en français

Informationen in deutscher Sprache