Дзень беларускага пісьменства 2011 г. - г.Ганцавічы

Га́нцавічы - адміністрацыйны цэнтр Ганцавіцкага раёна Брэсцкай вобласці.          Ганцавічы - параўнальна малады горад, які ўзнік толькі дзякуючы чыгунцы, якая прайшла праз гэтыя месцы ў канцы XIX стагоддзя.

З другой паловы XIX стагоддзя Ганцавічы вядомыя як вёска Слуцкага павета Мінскай губерні, валоданне графа Чапскага.

У Ганцавічах і ваколіцах налічваецца 36 помнікаў гісторыі, 10 - археалогіі і 4 - архітэктуры. У ліку апошніх - Юр'еўская царква ў вёсцы Будча, Георгіеўская царква ў вёсцы Вялікія Круговічы, Юр'еўская царква ў вёсцы Чудзін.

У спіс гісторыка-культурнай спадчыны Беларусі занесена «Панская сядзіба» ў в. Агарэвічы - помнік драўлянага дойлідства XIX стагоддзя. Традыцыйная нацыянальная культура з'яўляецца адным з асноватворных элементаў культурнага жыцця Ганцавічаў. У горадзе існуе вялікая колькасць творчых народных калектываў, працуюць народныя майстры.

Ганцавічы славяцца сваімі знакамітасцямі: Аляксандр Казіміравіч Сержпутоўскі (1864-1940 г.г.) - беларускі фалькларыст, этнограф, публіцыст, захавальнік беларускага і ўкраінскага аддзела Рускага музея; Міхаіл Міхайлавіч Рудкоўскі (1936-1991 г.г.) - паэт.

Ганцаўшчына непарыўна звязана з жыццём і творчасцю выдатнага песняра Якуба Коласа. У рамках Дня беларускага пісьменства 4 верасня 2011 года ў Ганцавічах былі адкрыты помнік Якубу Коласу і алея Пісьменства.

Знамянальнай падзеяй для РУП «Белпошта» з'явілася памятнае гашэнне мастацкага маркіраванага канверта з арыгінальнай маркай "Дзень беларускага пiсьменства ў Ганцавiчах».

Информация на русском языке

Information in English 

Information en français

Informationen in deutscher Sprache