Глыбокае прэтэндуе на званне вішнёвай сталіцы

У 2014 годзе Глыбокае адзначыць 600-годдзе. З гэтай нагоды 1414 вішнёвых саджанцаў пасадзілі ў Глыбокім простыя жыхары горада, ветэраны працы, прадстаўнікі выканкама і іншых прадпрыемстваў. Як кажа старшыня Глыбоцкага выканкама Алег Морхат, ставілася задача садзіць вішні дома і на прадпрыемствах.

- Магчыма, нават у кнігу рэкордаў Гінеса патрапім з улікам таго, колькі саджанцаў у гэтым годзе мы пасадзім. На рынку ў Віцебску прадавалі саджанцы вішні. Нашыя майстры хваляць перад пакупнікамі іх. Вось прыйшлі пакупнікі і пытаюцца: «Чаму вы так хваліце сваю глыбоцкую вішню? А чым пастаўская горш?» А нашыя майстры адказваюць: «Бо ў глыбоцкай і костачка рассмоктваецца».

Пасадка дрэў прымеркаваная да вішнёвага фестывалю, які адбудзецца ў Глыбокім 21 ліпеня. Да гэтага дня рыхтуюцца таксама і ўсе прадпрыемствы горада. А глыбачанаў і гасцей горада парадуе цікавая і разнастайная праграма, дзе галоўнай "гераіняй” будзе вішня.

Беларускае Радыё Рацыя, Глыбокае

http://glybokae.by/