Дзень беларускага пісьменства 2010 г. - г. Хойнікі
Хойнікі
- горад у Беларусі, цэнтр Хойніцкага раёна Гомельскай вобласці.
Размешчаны за 105 км ад Гомеля і 58 км ад Мазыра.
Хойнікі маюць старажытную і багатую гісторыю. У Вялікім Княстве
Літоўскім з 16 стагоддзя Хойнікі вядомыя як вёска так званага Брагінскага
графства. У розны час знаходзіліся ў валоданні Вішнявецкіх, Шуйскіх, Прозараў.
Хойніччына - радзіма народнага пісьменніка Беларусі Івана Мележа.
Ён нарадзіўся ў 1921 годзе ў вёсцы Глінішча Хойніцкага раёна. Дасягненнем усёй
беларускай літаратуры сталі раманы пісьменніка з цыкла "Палеская
хроніка" - "Людзі на балоце", "Подых навальніцы",
"Завеі, снежань". Творы Івана Мележа перакладзены на многія мовы
свету. У вёсцы Глінішча адкрыты літаратурны музей пісьменніка.
У 2010 годзе ў Хойніках прайшло нацыянальнае свята Дзень
беларускага пісьменства, дзе адбылася цырымонія адкрыцця скульптурнай
кампазіцыі "Па старонках твораў Івана Мележа ".
Хойніцкая зямля дала Беларусі празаіка Барыса Сачанку, паэта
Міколу Мятліцкага і паэтку Алу Канапельку.
У Дзень беларускага пісьменства 5 верасня ў Хойніках стартавала
Рэспубліканская акцыя "Чытаем па-беларуску".
Быў адкрыты комплекс "Сядзібны дом" - архітэктурнага
помніка ХІХ-пачатку ХХ стагоддзя ў стылі неакласіцызму. У ім разгарнулася экспазіцыя
Хойніцкага краязнаўчага музея. У сядзібе на пленэры "Хойніччына
сучасная" можна было пазнаёміцца з творамі сучасных мастакоў.
Информация на русском языке 
Information in English 
Information en français
Informationen in deutscher Sprache 
| 
