У 2013 годзе ў Глыбоцкім раёне СТАРТУЕ ПРАЕКТ

"З песняй па жыцці"

Фота з крыніцы matveevo.prihod.ru

Яго арганізатарамі з'яўляюцца аддзел культуры райвыканкама і раённы арганізацыйна-метадычны цэнтр.

 "Асноўнай мэтай конкурсу з'яўляецца прапаганда песеннага мастацтва 40-90-х ХІХ стагоддзя, выяўленне і падтрымка таленавітых выканаўцаў, духоўнае выхаванне людзей і ўмацаванне песенных традыцый розных пакаленняў", - паведаміла Kraj.by метадыст цэнтра па вакальна-харавым жанру Ганна Шакола.

 Плануецца правесці шэсць канцэртаў: у маі - у Галубіцкім і Марцыбылінскім цэнтрах культуры, у чэрвені - у Падсвільскім, у ліпені - у Ломашаўскім, у жніўні - у Ўдзелаўскім і ў верасні - у Глыбоцкім Доме культуры. "Заключны гала-канцэрт пройдзе ў Глыбокім у кастрычніку 2013", - адзначыла Ганна Шакола.

У конкурсе могуць прымаць удзел усе ўстановы культуры раёна, якія павінны падрыхтаваць канцэртную праграму на 1-1,5 гадзіны. Праграма будзе складацца з нумароў салістаў, вакальных і сямейных ансамбляў, харавога выканання.

http://kraj.by/glubokoe/news/kultura