Дзень беларускага пісьменства 2007 г. - г. Шклоў

Шклоў — горад у Магілёўскай вобласці. Размешчаны на скрыжаванні аўтадарогі Магілёў - Шклоў - Орша.

        Упершыню згадваецца ў 1520 г. у дакументах пасла Польскага каралеўства Гербэрштэйн падчас яго дыпламатычнага падарожжа ў Маскву.

Шклоў быў вядомы і як культурны цэнтр рэгіёна: тут у  1788 годзе быў заснаваны Шклоўскі тэатр Зорыча, які праіснаваў 12 гадоў, балетная і музычная школы. Па ініцыятыве былога фаварыта Кацярыны ў Шклове быў таксама створаны кадэцкі корпус для дзяцей, выхадцаў са збяднелых дваран, які неўзабаве перайшоў у вядзенне ваеннага ведамства.

У сучасным Шклове захаваліся помнікі гісторыі і архітэктуры: будынак сінагогі (другая палова XVII стагоддзя), ратуша (XVIII стагоддзе), жылыя дамы (XVIII і канца XIX стагоддзяў), адміністрацыйны будынак папяровай фабрыкі (1898 год), рымска-каталіцкі касцёл святых Пятра і Паўла (канец XIX - пачатак XX стагоддзяў), Спаса-Праабражэнская царква і асабняк (пачатак XX стагоддзя). Шклоўская ратуша па праве лічыцца ўнікальным аб'ектам культурнай спадчыны краіны. Шпіль ратушы вянчае герб Шклова, а вежу ўпрыгожвае гадзіннік, бой якога  чуцен па ўсёй акрузе.

У 2007 годзе ўпершыню ў Дзень беларускага пісьменства прайшло ўзнагароджанне лаўрэатаў рэспубліканскага конкурсу на лепшы мастацкі твор 2006 года "Залаты Купідон".

У рамках Дня пісьменства ў гарадскім парку адкрыты помнік расейскаму ваеннаму дзеячу, фаварыту Кацярыны II, графу Сямёну Зорычу, які з 1778 па 1799 г.г. быў кіраўніком Шклова і заснаваў тут кадэцкі корпус, прафесійны тэатр (першы ў Беларусі) і некалькі мануфактур.

Информация на русском языке

Information in English

Information en français

Informationen in deutscher Sprache