Спачатку гэта было невялікае паселішча, праз якое праходзіў водны шлях і сухапутная дарога на Кіеў і Смаленск, Віцебск і Мінск, Полацк і Прыбалтыку. Выгаднае геаграфічнае становішча садзейнічала развіццю Оршы, росквіту гандлю ў горадзе.  З моманту стварэння Вялікага Княства Літоўскага, а затым Рэчы Паспалітай Орша стала пагранічным горадам на шляхах да цэнтра Расіі. Першае згадванне аб горадзе датуецца 1067 годам, як Рша, у «Аповесці мінулых  гадоў».

Орша - горад-працаўнік, горад-воін, горад-патрыёт - усе гэтыя вызначэнні вельмі дакладна характарызуюць горад.

Культура і славутасці горада:

• Аршанскае Евангелле знойдзена ў 1812 годзе, гэта летапісны помнік

• Краязнаўчы музей

• Мемарыяльны музей У. Караткевіча

• Замчышча

• Свята-Багаяўленскі Куцеінскі мужчынскі манастыр

• Касцёл дамініканаў святога Язэпа

• Праваслаўны Успенскі манастыр

• Уніяцкі манастыр з барочнай царквой

• Ільінская царква

• Вадзяны млын з арачным мостам.

         Сёння Орша - сучасны індустрыяльны цэнтр абласнога і рэспубліканскага маштабу, адзін з найбуйнейшых гарадоў Беларусі.  У 1998 годзе ў Оршы прайшло нацыянальнае свята Дзень беларускага пісьменства.