Дзень беларускага пісьменства 2009 г. - г. Смаргонь

Смарго́нь — горад, цэнтр Смаргонскага раёна Гродзенскай вобласці. Вядомы з пачатку XVI стагоддзя як прыватнаўласніцкае мястэчка Зяновічаў, Радзівілаў, Пшэздзецкіх.

Першае пісьмовае згадванне аб Смаргоні звязана з імем Юрыя Іванавіча Зяновіча. Ён адкрыў пры смаргонскім храме школу і сабраў вялікую бібліятэку.

Горад Смаргонь быў знакаміты папяровай мануфактурай (XVI стагоддзе), школай дрэсіроўкі мядзведзяў "Смаргонская акадэмія", заснаванай князямі Радзівіламі ў XVII стагоддзі, а таксама цэнтрам прадпрыемстваў гарбарнай і швейнай прамысловасці ў XIX - пачатку XX стагоддзяў.

    Сярод помнікаў гісторыка-культурнай спадчыны горада - кальвінскі збор і капліца. На тэрыторыі раёна знаходзяцца Літаратурна-мемарыяльны музей-сядзіба Францішка Багушэвіча ў Кушлянах, Музей-сядзіба Міхала Клеафаса Агінскага ў Залессі і руіны Крэўскага замка.

У Смаргонскім раёне нарадзіліся вядомыя дзеячы беларускай культуры - паэт Уладзімір Някляеў і доктар філалогіі Арсен Ліс.

У гісторыі Смаргоні нямала старонак, якія распавядаюць пра жыццё заснавальніка беларускай літаратуры Францішка Багушэвіча. Ключавой падзеяй свята Дня беларускага пісьменства ў 2009 годзе стала адкрыццё помніка пісьменніку. У вёсцы Кушляны ў сядзібе паэта размясціўся музей - філіял Дзяржаўнага музея гісторыі беларускай літаратуры. Шэраг мерапрыемстваў прайшло менавіта тут, у тым ліку і ўзнагароджанне лаўрэатаў 49-га Нацыянальнага конкурсу "Мастацтва кнігі-2009", пераможцам уручылі памятныя статуэткі "Залаты фаліянт " і дыпломы, а таксама дыпломы за лепшы твор ад Саюза пісьменнікаў Беларусі.

Информация на русском языке

Information in English

Information en français

Informationen in deutscher Sprache