ЗАЗІРНУЦЬ У МІНУЛАЕ ПАСПРАБУЮЦЬ ПАД ЧАС МЕДЫЯВАНДРОЎКІ ПА ВУЛІЦАХ ГЛЫБОКАГА

Тапанімічная спадчына Глыбокага. Фота з сайта westki.info.

Супрацоўнікі Цэнтральнай раённай бібліятэкі таксама загадзя рыхтуюцца да юбілейных ўрачыстацяў з нагоды 600-годдзя горада. Ужо распрацавалі цыкл мерапрыемстваў "Глыбокае. Глыбачане”: у рамках якога плануецца выпусціць рэкламную прадукцыю пра нашых славутых землякоў, а таксама арганізаваць сустрэчы з паэтамі, пісьменнікамі, выехаць у сельскія бібліятэкі з прэзентацыямі кніг, выдадзеных да Дня пісьменства: «Глыбокае: повязь часоў» і «Глыбокае. Зямля, любімая навечна, дзе Доўгае і Беразвечча», "Там, дзе возера Глыбокае. Глыбоччына літаратурная” і шмат што іншае.

"Глыбокае старажытнае і Глыбокае маладое”. Пад такой назвай, як патлумачыла дырэктар Глыбоцкай ЦРБ Валянціна Спасібёнак, бібліятэкары арганізуюць акцыю, падчас правядзення якой мяркуюць сабраць кнігі, фотаздымкі, пазначаныя часам, запісаць успаміны чытачоў-глыбачан. А потым на аснове сабранага матэрыяла плануецца наладзіць выставу. 
Напэўна, зацікавіць і маленькіх, і дарослых жыхароў Глыбокага медыавандроўка "Па вуліцах нашага горада”, назвы якіх звязаныя з імёнамі нашых землякоў. Гэта будзе яшчэ адна магчымасць зазірнуць ў таямнічае мінулае горада, паглядзець на тое, што здаецца нам паўсядзённым і звыклым, па-новаму. 

http://vg-gazeta.by

http://kraj.by/glubokoe/news/kultura