Паставы -  раённы цэнтр Віцебскай вобласці.

Паставы вядомыя з 1552 г. як прыватнае мястэчка Ашмянскага павета Віленскага ваяводства Вялікага Княства Літоўскага.

 У канцы XVIII - пачатку XIX стагоддзяў у горадзе дзейнічалі тэатр, арніталагічны музей і карцінная галерэя.

Паставы знакамітыя сваімі архітэктурнымі ансамблямі і такімі помнікамі беларускага дойлідства, як палац Тызенгаўзаў, Свята - Мікалаеўская царква, касцёл Антонія Падуанскага.

Выхадцамі Пастаўскага раёна з'яўляюцца беларускія пісьменнікі Уладзімір Дубоўка і Міхась Машара.

3 верасня 2006 года праходзіла нацыянальнае свята Дзень беларускага пісьменства. Цэнтральную плошчу Паставаў было немагчыма пазнаць. Тут усё было аддадзена Яе Вялікасці Кнізе. Свае творы прадстаўлялі на адной з цэнтральных сцэн паэты і пісьменнікі, прадстаўнікі выдавецтваў і паліграфісты. Цэнтральнай падзеяй Дня беларускага пісьменства стала цырымонія ўзнагароджання лаўрэатаў 46-га рэспубліканскага конкурсу "Мастацтва кнігі". Яго пераможцам была ўручана статуэтка "Залаты фаліянт", якая ўяўляе сабой фігуру жанчыны з кнігай.