Дзень беларускага пісьменства 1995, 2004гг. -  г.Тураў

Тураў – горад у Жыткавіцкім раёне Гомельскай вобласці.

Горад размяшчаецца на рацэ Прыпяць за 25 км на паўночны захад ад горада і чыгуначнай станцыі Жыткавічы, за 258 км ад г. Гомеля.

У старажытнасці  ў гэтым цяпер маленькім беларускім мястэчку, паводле паданняў, дзейнічала 75 цэркваў,  за  што  горад  вобразна  тады  называлі 2-м Ерусалімам.

Горад Тураў - гэта радзіма вялікага філосафа і асветніка старажытнасці Кірылы Тураўскага, імя якога добра вядома. Помнік Кірылу Тураўскаму ёсць у Тураве і горадзе Гомелі. Кірыла Тураўскі (гады жыцця - каля 1113 – 1182-га года) з'яўляўся святаром і біскупам горада Турава, пісьменнікам і прапаведнікам, аўтар твораў - урачыстых  "Слоў", павучанняў, малітваў, канонаў. Сучаснікі называлі яго "рускім Залатавустам". Ён бачыў сваю задачу ў вывучэнні сапраўднага сэнсу тэкстаў вялікай кнігі - Святога Пісання.

Тураў - адзін з самых старажытных цэнтраў пісьменства і летапісання ў сучаснай Беларусі. Ён мае такое ж значэнне для беларускай зямлі на поўдні краіны,  як Полацк -  на  поўначы.

 У 1995, 2004 гг. праходзіла нацыянальнае свята Дзень пісьменства ў Тураве.

Информация на русском языке

Information in English

Information en français

Informationen in deutscher Sprache