Свірскай школьніцы-паэтцы ўручыў

дыплом міністр адукацыі

Школьнікі Мядзельскага раёна пабывалі на Дні беларускага пісьменства.

2 верасня ў Глыбокім адзначылі Дзень беларускай пісьменнасці. З гэтай нагоды прайшло рэспубліканскае свята для дзяцей "Дзіцячы дворык", на якім пабывалі і навучэнцы ўстаноў адукацыі Мядзельскага раёна, паведамляе сайт аддзела адукацыі Мядзельскага райвыканкама.

Увазе дзяцей была прадстаўлена разнастайная праграма з конкурсамі, тэатральнымі сустрэчамі, літаратурнай гасцінай, выставай-кірмашом "Чалавеку патрэбна не слава".

На гэтым свяце міністр адукацыі Рэспублікі Беларусь Сяргей Маскевіч уручыў Анастасіі Лобач з Свіры дыплом пераможцы рэспубліканскага конкурсу пачаткоўцаў паэтаў, прысвечанага Максіму Танку. Дзяўчынка з'яўляецца вучаніцай 8-га класа ДУА "Свірская сярэдняя школа".

Фото с сайта myadel.edu.by